Feature

विदेशी लगानी सम्बन्धी विधेयकले साना उद्योगलाई धरासायी बनाउँछः सांसदहरु

बसन्त अर्याल
काठमाण्डौं– सरकारले तयार पारेको ‘विदेशी लगानी तथा प्रविधि हस्तान्तरण कानुनलाई संशोधन एकीकरण गर्न बनेको विधेयक’ घरेलु तथा मझौला उद्योगलाई धरासायी बनाउने खालको भएको संसदहरुले बताएका छन् ।

सरकारले नेपालमा विदेशी लगानीलाई सहज बनाउनको लागि बनाएको विधेयकमा सांसद तथा सम्बन्धीत पक्षले विरोध जनाएका छन् ।

सरकारले हतारमा विधेयक ल्याएको भन्दै अधिकांश सांसदले पछि पछुताउनु भन्दा अहिले नै विचार गर्न सुझाएका छन् ।
उद्योग वाणिज्य र श्रम तथा उपभोक्ता हित समितिको बैठकमा विधेयकको संसोधन कर्ता सांसदहरुले हालकै अवस्थामा विधेयक पारित भए देशमा आर्थिक संकट आउने बताएका छन् ।

प्रतिनिधि सभाका लेखा समितीका सभापति भरत कुमार शाहले सरकार कम्युनिस्ट तर विधेयक क्यापिटालिस्टको जस्तो भएको बताए ।

उनले विधेयकमा कस्तो प्रकृतिको उद्योगमा विदेशी लगानी आवश्यक छ भनि स्पष्ट हुनु पर्ने भन्दै पूँजीको आधारमा नभई प्रकृतिको आधारमा विदेशी लगानी भित्राउनु पर्नेमा जोड दिए ।

शाहाले परम्परातग उद्योगममा विदेशी लगानी आवश्यक नभएको बताएका छन् ।

विधेयकमाथि छलफल गर्दै कानुन न्याय समितिका सभापति कृष्ण भक्त पोखरेलले हाल बनेको विधेयकले सेकुरीटी प्रेसमा वैदैशिक लगानी भित्राउन सक्ने प्रावधान भएकाले यसलाई रोक्नु पर्ने बताए ।

सेकुरीटी प्रेस राष्ट्रियता संग जोडिएको विषय भएकाले यसमा विदेशी लगानी ल्यउन नहुने उनको धारणा छ ।

त्यस्तै मौरी पालन, माछा पालन लगाएतका क्षेत्रमा पनि विदेशिक लगानी भित्राउन नहुने उनको भनाई छ ।

नेपाली कांग्रेसका संसद गगन कुमार थापाले पहिलाको कानुन र अहिलेको संसोधित कानुनमा के फरक छ जसले विदेशी लगानी भित्राउन सहज भयो भन्ने कुरा विदेशीलाई स्पष्ट पार्नु पर्ने बताएका छन् ।

विदेशी लगानी ल्याउन त्यहाँको सरकारलाई आस्वस्त पार्नु पर्ने भन्र्दै हालको विधेयकले झन धेरै संयन्त्र खडा गरेकाले लगानी कर्ता अलमलमा पर्ने दाबी गरे । उनले एकद्वार प्रणालीबारे पनि स्पष्ट हुनु पर्ने बताए ।

नेकपाका संसद सोम प्रसाद पाण्डेले विदेशी लगानी कुन उद्देश्यले आउँदै छ यसमा ध्यान दिनु पर्ने बताएका छन् ।

विधेयक माथिको छलफलमा अधिकासं सांसदले कृषी , पशुपालन, दुग्ध, व्युटीपार्लर , शैक्षिक परामर्शका क्षेत्रमा विदेशी लगानी ल्याउन नहुने बताएका छन् ।

यदि यस्ता क्षेत्रमा लगानी भित्राए साना उद्यमी सबै धारासायी हुने उनीहरुको भनाई छ । साना उद्योगले नेपालमा धेरै रोजगारी सिर्जना गरेकाले यस्ता क्षेत्रमा विदेशी लगानी आवश्यक नभएको उनीहरुको जीकिर छ ।

छलफलमा अर्थ मन्त्री युवराज खतिवडाले कृषी क्षेत्रमा थुप्रै अनुदान दिदाँ पनि नेपाली उद्योग नफस्टाएको भन्दै यसमा विदेशी लगानी आएर नेपाली प्रतिस्थापन हुन्छन् भन्नु व्यवहारीक नभएको बताए । दुग्ध क्षेत्रमा विदेशी लगानि ल्याउँदा नेपालाई फाईदा हुने उनको भनाई छ ।

साना तथा मझौला उद्योगमा विदेशी लगानी ल्याउन नहुने भन्दै नेपाल उद्योग वाणिज्य महासंघ, नेपाल चेम्बर आफ कमर्श , दुग्ध सहकारी संस्था, दुग्ध विकास बोर्ड, नेपाल शैक्षिक परामर्शदाता (इक्यान) लगाएत संस्थाले विरोध जनाएका छन् ।

फेसबुक प्रतिक्रिया

सम्बन्धित शीर्षकहरु

"NEPALS FIRST CORPORATE NEWS MAGAZINE AND PORTAL."