थप २ सय ५९ जनामा कोरोना पुष्टि, ५१३ जना संक्रमणमुक्त

काठमाडौं, पुस २६ – पछिल्लो २४ घण्टामा २ सय ५९ जनामा कोरोना भाइरसको संक्रमण देखिएको छ।

आइतबार स्वास्थ्य तथा जनसंख्या मन्त्रालयले दिएको जानकारी अनुसार पछिल्लो २४ घण्टामा थप २ सय ५९ जनामा कोरोना पुष्टि भएको हो। यीसहित हालसम्म संक्रमित हुनेको कुल संख्या २ लाख ६४ हजार ७ सय ८० पुगेको छ।

पछिल्लो २४ घण्टामा ५ सय १३ जना निको भएर फर्किएका छन्। योसहित कोरोनाबाट निको हुनेको कुल संख्या २ लाख ५८ हजार ४ सय ४१ पुगेको छ।

त्यस्तै, यसको संक्रमणबाट थप ५ जनाको मृत्यु भएको मन्त्रालयले जनाएको छ। योसँगै कोरोनाबाट मृत्यु हुनेको संख्या एक हजार ९ सय १७ पुगेको छ। 

पछिल्लो २४ घण्टामा ३ हजार ३९९ जनाको पिसिआर परीक्षण भएको मन्त्रालयले जनाएको छ।