थप ९२ जना संक्रमितको मृत्यु, थपिए ४,४७२ जना नयाँ संक्रमित

काठमाडौं, २४ जेठ । नेपालमा पछिल्लो २४ घण्टामा कोरोना भाइरस संक्रमणका कारण ९२ जनाको मृत्यु भएको छ । यो सँगै नेपालमा कोरोना भाइरसको संक्रमणका कारण ज्यान गुमाउनेको संख्या ७ हजार ९९० जना पुगेको छ ।

यस्तै आज देशभर ४ हजार ४७२ जना नयाँ संक्रमित थपिएका छन् । बितेको २४ घण्टामा देशभर १२ हजार २ जनाको आरटी–पीसीआर गर्दा ३,३७० जना र ५ हजार ९०१ जनाको एन्टिजेन परीक्षण गर्दा १ हजार १०२ जना गरी आज ४ हजार ४७२ जनामा संक्रमण पुष्टि भएको हो । यो सँगै नेपालमा कोरोना भाइरसबाट संक्रमित हुनेको संख्या ५ लाख ९१ हजार ४९४ जना पुगेको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ६ हजार ९५१ जना संक्रमित निको भएका छन् । यो सँगै नेपालमा कोरोना भाइरसको संक्रमणमुक्त हुनेको संख्या ४ लाख ९७ हजार ९६० जना पुगेको छ । यो कुल संक्रमितको ८४.२ प्रतिशत हो ।

हाल देशभर सक्रिय संक्रमितको संख्या ८५ हजार ५४४ जना छ । मन्त्रालयका अनुसार हालसम्म नेपालमा ३१ लाख ५५ हजार ६४ जनाको स्वाब (नमूना) परीक्षण गरिएको छ भने अहिले ५ हजार ५४४ जना आइसोलेसन र ७१ जना क्वारेन्टिनमा छन् ।