अब १० क्लबका रंगशालामै गएर खेल हेर्न पाइने

काठमाडौँ, १२ मंसिर – विश्वव्यापी महामारीको रुपमा फैलिएको कोरोना भाइरस (कोभिड–१९) का कारण घरभित्रै खुम्चिएका फुटबल प्रेमीको लागि खुशीको खबर सार्वजनिक भएको छ । कोरोना संकटकै बीच १० वटा क्लबका रंगशालामै गएर खेल हेर्न पाइने भएको हो ।​​

इंग्लिस प्रिमियर लिगका विभिन्न १० क्लबले सीमित दर्शकलाई रंगशाला प्रवेशको अनुमति पाएका हुन् । 

कोराना महामारी व्यापक बन्दै गएपनि सधैभरी रंगशाला बन्द हुनु नहुने भन्दै इंग्ल्यान्ड सरकारले १० क्लबको मैदानमा दर्शकलाई प्रवेशको अनुमति दिने निर्णय गरेको हो । 

यो निर्णय अनुसार चेल्सी, लिभरपुल, आर्सनल, टोटेनहम, क्रिस्टल प्यालेस, ब्राइटन, एभर्टन, फुलहम, साउथह्याम्पटनका रंगशालामा गएर अब खेल हेर्न पाइने छ । ​​

फुटबलप्रेमीले डिसेम्बर २ बाट रंगशाला गएर पुनः फुटबल हेर्न पाउने गरी इंग्ल्यान्ड सरकारले यो निर्णय गरेको हो । रंगशालाको फुल सिटमा नभएर दुई हजार दर्शकले मात्र यी क्लबको रंगशालामा बसेर खेल हेर्न पाउने छन् । ​​

इंग्ल्यान्डमा गत मार्चदेखि खेलकुद गतिविधि ठप्प छ । त्यहाँ डिसेम्बर २ बाट लकडाउनको अन्त्य हुँदैछ ।