अमेरिकामा कोभिड- १९ को संक्रमण तीब्र फैलिदैं, एकैदिन १८ हजार बढी संक्रमित भेटिए

काठमाडौं, चैत १७ – अमेरिकामा सबै भन्दा बढी कोभिड -१९ का स्रक्रमितहरु फेला परेका छन् । अमेरिकामा पछिल्लो २४ घण्टामा १८ हजार २ सय ७६ जना नयाँ संक्रमितहरु भेटिएका छन् । अमेसरकामा कूल संक्रमितको संख्या १ लाख ४१ हजार ८ सय ५४ पुगेको छ ।

त्यसै गरी पछिल्लो २४ घण्टामा अमेरिकामा २ सय ५५ जनाको मृत्यु भएको छ । अमेरिकामा हाल सम्म कोभिड -१९ को संक्रमणका कारण २ हजार ४सय ७५ जनाको ज्यान गुमाइसकेका छन् ।

त्यसै गरी अमेरिकामा निषेधआज्ञा अप्रिल ३० सम्म लम्बिन सक्ने राष्ट्रपति डोनाल्ड ट्रम्पले बताएका छन् । राष्ट्रपति ट्रम्पले आइतबार भनेका छन्, ‘अबको दुई हप्तामा कोरोना भाइरसका कारण उच्चदरमा मृत्यु हुने सम्भावना छ । त्यसैले हामीले संक्रमण रोकथामका उपायहरु बढाउने तयारी गरेका छौँ ।’