अल्का अस्पतालमा कार्यरत कर्मचारीको शव लेलेको जंगलमा फेला

काठमाडौं, भदौ २० – ललितपुरको अल्का अस्पतालमा कार्यरत सरसफाई कर्मचारी गीता केसीको शव गोदावरी नगरपालिका–१० मुलडोल स्थित सामुदायीक बनमा फेला परेको छ । भैंसेपाटी बस्दै आएकी ३९ बर्षिया केसी सम्पर्क बिहीन भएपछि तिन दिनअघि परिवारले महानगरीय प्रहरी परिसर ललितपुरमा ‘मानिस हराएको’ सूचना दिएका थिए । गीताको हत्या भएको आशंका गरिएको छ ।

घटना अनुसन्धानको सिलसिलामा मृतकका भतिजा निर्मल केसीलाई पक्राउ गरिएको महानगरीय प्रहरी परिसर ललितपुरका प्रहरी बरिष्ठ उपरीक्षक (एसएसपी) टेक प्रसाद राईले जानकारी दिए ।

केसी ललितपुरस्थित अल्का अस्पताल–२ मा सरसफाई कर्मचारीको रुपमा कार्यरत थिइन् । हत्या आशंकामा भतिजा निर्मललाई प्रहरीले भैंसेपाटीबाट पक्रोको हो । मृतक पनि भैसेपाटीमा परिवारसँग बस्दै आएकी थिइन् ।

गएराति गोदावरीको मुख्य सड्कबाट २ सय मिटर भित्र शव फेला परेको थियो । शनिवार बिहान आफन्तले उनको सनाखत गरेका छन् । गीताको शव पोष्टमार्टमका लागि पाटन अस्पतालमा राखिएको छ ।