अस्ट्रेलियाबाट हुने पहिलो चार्टर्ड उडानको तालिका परिवर्तन, एकहप्ता पछि सर्यो

काठमाडौं,असार २- अस्ट्रेलियामा रहेका नेपालीलाई स्वदेश फिर्तीका लागि तय भएको पहिलो उडान तालिका एक हप्ता पछि सरेको दूतावासले जनाएको छ । अस्ट्रेलिया स्थिती नेपाली दुतावासले एक सूचना जारी गरी उडान तालिका परिवर्तन भएको जनाएको हो ।

नेपाल एअरलाइन्सले त्यहाँ समस्यामा परेका नेपाली ल्याउन बुधबार उडान भर्ने भनिए पनि प्राविधिक कारणले समयमै उडान सम्भव नभएपछि उडान सारिएको दूतावासले जनाएको छ ।अब पहिलो चार्टर्ड उडान आउँदो जनु २३ तारिखमा अस्ट्रेलियाको सिड्नीबाट हुनेछ भने दोस्रो उडान जुन २६ तारिखमा मेलबर्नबाट हुनेछ ।