आइएलओको रकममा अनियमितताको आरोपको एनआरएनए साउदीद्धारा खण्डन, प्रमाणित गर्न चुनौती (विज्ञप्तिसहित)

काठमाडौं । गैरआवासीय नेपाली संघ (एनआरएनए) साउदी अरेबियाले ले आइएलओको रकममा अनियमितताको आरोपको खढडन गर्दै प्रमाणित गर्न चुनौती दिएको छ । केही दिनयता विभिन्न सञ्चार माध्यममा संस्थाको आर्थिक हिनामिना सम्बन्धमा आएका समाचारहरु झुटा रहेको भर्चुअल पत्रकार सम्मेलनमार्फत एनआरएनए साउदी अरेबियाले खण्डन गरेको हो ।

कोभिड–१९ को अबस्थामा एनआरएनएले अन्तर्राष्ट्रिय श्रम संगठन (आइएलओ) द्वारा सहयोगका रुपमा प्राप्त रकम सामाजिक प्रोजेक्टमा साउदी अरबमा पनि अनियमितता भएको भन्दै केही माध्यममा समाचार प्रकाशित भएका थिए ।

एनआरएनए साउदीले समाचारलाई खन्डन गर्दै सम्पुर्ण कोष विवरण पारदर्शी रुपमा रहेको सार्वजनिक गर्दै तथ्य र प्रमाण बिनाको समाचार फैलाउनेहरुलाई कुनै पनि आर्थिक हिनामिनाको प्रमाण देखाउन पनि चुनौती दिएको छ । उक्त कार्यक्रममा एनआरएनए आइसिसी मध्यपुर्वका उपसंयोजक, आइसिसी सदस्यहरु तथा एनसिसि पदाधिकारीहरु, आइएलओ प्रोजेक्टको अनुगमन टोली र अन्यको उपस्थित थिए ।

संस्थाका अध्यक्ष तेज थापाको अध्यक्षतामा महासचिव उमेश भट्टराईद्वारा संचालित प्रेस मिट कार्यक्रममा संस्थाका कोषाध्यक्ष सन्तोष लुइँटेलद्वारा आर्थिक विवरण सार्वजनिकसमेत गरिएको थियो ।

यसै गरि कार्यक्रममा उपस्थित आइसिसी सदस्य नरायाण पास्वान, आइसिसी मध्यपुर्व उप संयोजक राजेन्द्र अर्याल, एनसिसि संरक्षक राजु सैयद, एन सिसि उपाध्यक्षहरु बिशाल श्रेष्ठ, रोशन श्रेष्ठ, सचिब लाल बहादुर मगर, सह कोषाध्यक्ष योगेन्द्र श्रेष्ठ, प्रोजेक्ट अनुगमन सदस्य दिपक रेग्मी लगायत सम्पुर्ण उपस्थित हरुले बोल्दै मध्यपुर्व साउदीमा निस्वार्थ भावनाले सामाजिक कार्यहरू गर्दै जाँदा, अधिकांश पीडित श्रमिकहरुलाइ सहरा बनेर धेरै समस्यामा मल्हम लगाउदै समाधानमा सहयोग गर्दै आइरहेको श्रमिकको एक मात्रै सामाजिक संस्था, साउदी अरबको एनआरएनलाई लगाइएको मिथ्या आरोप प्रती घोर निन्दा व्यक्त गरे ।
कार्यक्रममा बिना प्रमाण सुनेको भरमा समाचार छापेकोमा आपत्ति जनाउँदै प्रमाण जुटाएर आउन र यदि प्रमाण नभए भ्रमात्मक समाचार फैलाउनेलाइ कार्वाही गर्ने चेतावनीसमेत दिइएको थियो ।

कार्यक्रममा संस्थाका प्रबक्ता बिष्णु न्यौपानेले यस्ता भ्रमात्मक खबरलाइ चिर्न सदैब तत्पर रहेको बताएका थिए। अन्त्यमा अध्यक्ष तेज बहादुर थापाले कार्यक्रम समापन गर्ने क्रममा यसरी बिना प्रमाण युरोप अमेरिकाको कुनै कुनामा बसेर भ्रमात्मक र मिथ्या खबर प्रकाशित गरेर एक सिङ्गो संस्थालाई असर पुग्ने खालका समाचार छपाउनेलाइ सप्रमाण सहित आउन पनि अनुरोध गर्दै हिनामिना भएको प्रमाण भए जस्तोसुकै अबस्थामा आफुहरुले सजाय भोग्ने र प्रमाण नभए संस्थालाई आँच पुर्याउने समाचार छाप्नेलाइ सामाजिक रुपमा क्षमा माग्नु पर्ने, नमागे कार्वाहीको दायरामा ल्याउने बताए ।

कार्यक्रममा अध्यक्ष थापाले गलत समाचारलाई चिर्नको लागि पनि सहयोग गर्न अनुरोध गरे । उनले हिड्दा पनि ठेस लाग्छ भने निस्वार्थ भावानाले सामाजिक कामहरु गर्दा यस्ता बाधा अड्चनहरु आइपर्ने र यस्ता मिथ्या समाचारहरुबाट सचेत रहि बिचलित नहुन र सदैब अडिग रहन एनआरएनए साउदी टिमलाइ आग्रह गरे ।

विज्ञप्ति

गैर आवासीय नेपाली संघ साउदी अरब माथि फैलाइएको भ्रामक दुस्प्रचार प्रति गम्भिर ध्यानाकर्षण

सम्पूर्ण पाठक, बुद्धिजीवी, समाजसेवी, मिडियाकर्मी, संघका बिभिन्न तह र तप्काका पदाधिकारी लगायत सम्पूर्णमा सर्व बिदितै छकि कोरोना माहामारिले साउदी अरबमा रहेका नेपाली श्रमिकहरु माथि निम्त्याएको अफ्ठेरो परिस्थिति उपर गैर आवासीय नेपाली संघ साउदी अरबले गत १०-अप्रेल-२०२० देखि यहाँ स्थित नेपाली कुटनितिक नियोग, बिभिन्न संघ संस्था संग हातेमालो गर्दै युध्द स्तरमा पहल, पैरवी र समन्वयकारी भूमिका निभाउंदै पीडितहरुलाई राहत, खाद्यान्न, स्वदेश फिर्ती, आवास तथा सेल्टरको ब्यवस्था, आउटरिच क्याम्पिङ मार्फत राहदानी सहजिकरण, पिसिआर टेस्ट तथा हवाई टिकट उपलब्ध गराउनु साथै अन्य बिबिध मानविय कार्यमा निरन्तरता दिंदै आएका छौं। संघले गरेका हरेक गतिबिधिहरुका अभिलेखहरु हरेक साता सम्बन्धित सरोकारवालाहरु समक्ष सम्प्रेषण गर्नुको साथै वेवसाइट तथा सामाजिक सन्जाल मार्फत सम्प्रेषण गरिएको छ। जानकारीको निम्ती हाम्रो वेवसाइट https://nrnaksa.com/ मा हेर्नु हुन सबैमा अनुरोध गर्दछौं। हामी निस्वार्थ भावनाले इमान्दारी पूर्वक मानवीय कार्यमा बिगत देखि निरन्तर लागिरहेका छौं र लागिरहने प्रतिबध्दता व्यक्त गर्दछौं। परन्तु: हामीले गरेका बिबिध गतिबिधिहरु उपर तथ्यहिन, भ्रामक समाचार, कु-प्रचार, आधारहिन आरोप बिभिन्न सामाजिक सन्जाल बाट आएकोमा गैर आवासीय नेपाली संघ साउदी अरबको घोर आपत्ति रहनुको साथै भ्रत्सना गर्दछौं। यस्ता दुस्प्रचार र भ्रामक अफवाह फैलाउने प्रती खेद प्रकट गर्दछौं र सत्य तथ्य छनबिन गरी मिथ्या भ्रम फैलाउने उपर कडा भन्दा कडा कारबाहिको निम्ती संघको माथिल्लो निकाय सहित सम्बन्धित सरोकारवालाहरु समक्ष जोडदार माग गर्दछौं ।

बोधार्थ:
• NRNA ICC
• Embassy of Nepal –Riyadh
• General Consulate of Nepal-Jeddah