आईपीएल फाइनल : टस जितेर पहिले ब्याटिङ गर्दै दिल्ली

काठमाडौं, कार्तिक २५ – यूएईमा जारी १३औं संस्करणको इन्डियन प्रिमियर लिग (आईपीएल) टी–ट्वान्टी क्रिकेटको फाइनल अन्तर्गत अहिले दिल्ली क्यापिटल्स र मुम्बई इन्डियन्सले प्रतिस्पर्धा गर्दैछन् ।  आईपीएलको उपाधिका लागि दिल्ली क्यापिटल्स र मुम्बई इन्डियन्सले प्रतिस्पर्धा गर्न लागेका हुन् । दुबई अन्तराष्ट्रिय क्रिकेट स्टेडियममा केही बेरमा सुरु हुने खेलमा दिल्लीले टस जितेर पहिले ब्याटिङ गर्ने भएको छ । 

दिल्लीविरुद्ध मुम्बईले केही बेरमा बलिङ थाल्नेछ । आजको खेलमा जित निकाल्दै दुबै टोली आईपीएलको उपाधि उचाल्ने योजनामा हुनेछन् ।  पहिलो पटक आईपीएलको फाइनलमा प्रवेश गरेको दिल्ली आजको खेलमा जित निकाल्दै उपाधि जित्ने योजनामा छ । आईपीएल पहिलो उपाधि आफ्नो पोल्टोमा पार्ने योजनामा छ ।