आकस्मिक बाहेक अपरेशन नगर्न अस्पतालहरुलाई स्वास्थ्य तथा जनसंख्या मन्त्रालयको निर्देशन

काठमाडौं, असोज २६ –  स्वास्थ्य तथा जनसंख्या मन्त्रालयले काठमाडौं उपत्यकाका अस्पतालहरुलाई आकस्मिक बाहेकका अपरेशन नगर्न निर्देशन दिएको छ ।

लक्षण भएका कोरोना संक्रमितहरुको संख्या बढेसँगै मन्त्रालयले यो निर्णय गरेको हो । यसले कोरोनाका बिरामीहरुलाई केही हदसम्म आईसीयू र भेन्टिलेटर वेड पाउने अपेक्षा गरिएको मन्त्रालयका प्रवक्ता डा.जागेश्वर गौतमले बताए ।