आफूमाथि कुटपिट भएको भन्दै अभिनेत्री सुष्मा कार्कीद्वारा प्रहरीमा उजुरी

काठमाडौँ । अभिनेत्री सुष्मा कार्कीले आफूमाथि कुटपिट तथा गालीगलौज भएको भन्दै प्रहरी कार्यालयमा उजुरी दिएकी छन् । मंगलबार अभिनेत्री कार्कीले काठमाडौंको महानगरीय प्रहरी वृत्त, दरबारमार्गमा उजुरी दिएकी हुन् ।

कार्कीले गएराति दरबारमार्गस्थित लन्डन पबमा झगडा भएको भन्दै उजुरी दिएको प्रहरीले जनाएको छ ।

अभिनेत्री कार्कीले नायिका स्वेता खड्काकी बहिनी आरती खड्का र पत्रकार उत्सव रसाइलीविरूद्ध उजुरी दिएको बताइएको छ ।