‘आफ्नो गाउँ आफैँ बनाऔँ’ भन्ने पुर्वअर्थमन्त्री अधिकारीको निधन

काठमाडौं – पूर्वअर्थमन्त्री एवं नेकपाका नेता भरतमोहन अधिकारीको निधन भएको छ।

पूर्वमन्त्री अधिकारीको तीन सातादेखि हृयाम्स अस्पतालमा उपचार भइरहेको थियो।

अस्पतालको अनुसार अधिकारीको शनिबार साँझ निधन भएको हो।

अधिकारीको ८३ वर्षको उमेरमा निधन भएकाे हाे ।

नेकपा नेता विष्णु रिजालले उनकाे बारेमा लेखेका छन् ‘चारपटक अर्थमन्त्री, एकपटक यातायात तथा निर्माणमन्त्री, चारपटक सांसद, संसदीय दलको उपनेता, प्रमुख सचेतक, पार्टीको आर्थिक, उद्योग, संसदीय, अनुगमन जस्ता विभाग प्रमुख जस्ता भूमिका निर्वाह गरिसक्नुभएका नेता अधिकारीलाई आम मानिसले ‘बुढाबुढीलाई भत्ता दिने’ र ‘आफ्नो गाउँ आफैँ बनाऔँ भन्दै गाउँमा बजेट पठाउने’ नेताका रुपमा सम्मान गर्दछन् ।’