इन्धनको मूल्य यथावत

काठमाण्डौँ — नेपाल आयल निगमले इन्धनको मूल्य यथावत राखेको छ ।

भारतीय आयल निगम (आइओसी)ले पठाएको मूल्यअनुसार डिजेल र पेट्रोलमा मूल्य बढेपनि नेपालमा मूल्य यथावत् राख्ने निर्णय गरिएको हो ।

अप्रिल १६ मा पठाएको मूल्यसूचीअनुसार प्रतिलिटर पेट्रोलमा १ रुपैयाँ ४३ पैसा र डिजेलमा प्रतिलिटर ०।७२ पैसा बढेर आएको छ ।

अन्तर्राष्ट्रिय बजारमा कच्चा तेलको मूल्य बढ्ने क्रम जारी रहेको निगमका प्रवक्ता वीरेन्द्र गोइतले बताए ।

उनले हाललाई इन्धनको मूल्य यथावत् राख्ने निर्णय भएको जानकारि दिए ।

निगमले डिजेल र पेट्रोलको मूल्य बढेको जनाए पनि अन्य हवाई इन्धन र मट्टितेलमा भने मौन छ।

मूल्यसूची पनि सार्वजनिक गरिएको छैन।

— कान्तिपुर