ईन्करेजमेण्ट अवार्ड २०२० जर्मनीमा गर्ने घोषणा

काठमाडौ – नेपालमा लकडाउन भर्खरै खुलेसँगै दोस्रो ईन्करेजमेण्ट अवार्ड २०२० घोषणा गरिएको छ । उक्त कार्यक्रमका निर्देशक तथा थ्री एस मिडिया नेपालका अध्यक्ष समीर लामाका अनुसार दोस्रो ईन्करेजमेण्ट अवार्ड २०२० मंसिर पहिलो साता जर्मनीको बर्लिन शहरमा हुनेछ । पहिलो सिजन जापानको टोकियोमा सम्पन्न भएसँगै एस सिजन जर्मनीमा गर्न लागेको उनले जनाए । ‘यो अवार्ड विश्वकै पहिलो समाबेशी अवार्ड रहने छ’ लामाले दाबी पेश गर्दै भने ।

अवार्ड अन्तर्गत विभिन्न ४६ वटा बिधा रहेको र उक्त अवार्डमा सबै क्षेत्रका व्यक्तित्वहरुलाइ प्रोत्साहन गर्ने उदेश्य निहित रहेको उनले बताए । अवार्डको नोमिनेश सामाजिक दुरी कायम गरि भाद्र अन्तिम साता गरिने लामाले जनाएका छन्। नोमिनेसन फर्म साउन ७ गते देखिनै खुला गरिएको कार्यक्रम संयोजक अमृत लामाले जानकारी दिएका छन ।