किरात संस्कृतिविद् सिवाहाङको निधन

काठमाडौं, कार्तिक २८ – किरात संस्कृतिविद् तथा इतिहास अध्येता जय सिवाहाङ (जयबहादुर राई)को ६९ वर्षको उमेरमा निधन भएको छ ।

कोरोना भाइरसबाट संक्रमित भई राजधानीस्थित सर्वाङ्ग अस्पतालमा उपचारको क्रममा शुक्रबार बिहान निधन भएको परिवारले जनाएको छ ।

उनी २००८ सालमा भोजपुरको बासिखोरामा जन्मिएका थिए । उनका ‘किरात मुन्धुमभित्रको विज्ञान’, ‘रामप्रसाद राईको शृंखलावद्ध विद्रोह र हतुवा’ र ‘रामप्रसाद राईको आलोचनात्मक इतिहास’ कृति प्रकाशित छन् । उनको श्रीमती, दुई छोरा र एक छोरी छन् ।