कृषीप्रधान देश नेपालमा ४ महिनामा साढे ९ अर्बकाे तरकारी आयत

काठमाडौं – चालु आर्थिक वर्षको ४ महिनामा ९ अर्ब ४० करोड ४७ लाख ६० हजार रुपैयाँ बराबरको तरकारी आयात भएको छ ।

चालु आर्थिक वर्षमा गत वर्षको तुलनामा झण्डै २ अर्ब रुपैयाँ बढीको तरकारी आयात बढेको हो ।

तथ्याङ्क विभागका अनुसार चालु आर्थिक वर्षको चौमासिकमा गत चालु आर्थिक वर्षको चौमासिकको तुलना गर्दा १ अर्ब ९९ करोड ८१ लाख ८९ हजार रुपैयाँ बराबरले तरकारी आयात बढेको देखिन्छ ।

गत वर्षको ४ महिनामा ७ अर्ब ४० करोड ६५ लाख ७१ हजार रुपैयाँ बराबरको तरकारी आयात भएको थियो ।

भन्सार विभागको तथ्यांक अनुसार गत वर्ष कूल २२ अर्ब ६७ करोड ०२ लाख ३५ हजार रुपैयाँ बराबरको तरकारी आयात भएको थियो ।