कोकाकोलाद्धारा विश्व स्वास्थ्य दिवस २०२१ कोअवसरमा सफाईकर्मीको लागि सुरक्षा प्रशिक्षण र स्वास्थ्य शिविरको आयोजना

काठमाडौं, चैत ३० – कोका–कोला फाउन्डेसन र बोटलर्स नेपालको संयुक्त सहयोगमा विश्व स्वास्थ्य दिवस २०२१को अवसरमा सफाईकर्मीको लागि व्यवसायिक सुरक्षा प्रशिक्षण र स्वास्थ्य शिविरको आयोजना गरिएको छ ।कार्यक्रममा कामको बखत र काम सक्किए पछाडि सुरक्षा उपायहरु, विभिन्न सुरक्षा गियरको प्रयोग, साइटमा व्यवसायिक दुर्घटनाहरुको रोकथाम र सुरक्षित भएर काम गर्ने अवस्थाको लागि आगो निभाउने उपकरण र अन्य सुरक्षा उपकरणहरुको प्रयोग सम्बन्धि एक सत्र समावेश थियो ।

कम्पनीले सुरक्षा गियर सहित सुरक्षात्मक जुत्ता, टोपी, ज्याकेट, मास्क र ग्लोभ्सहरु पनि सफाईकर्मीलाई हस्तान्तरण गरेको छ । आगो दुर्घटना र अन्य जोखिमहरुको जोखिमलाई ध्यानमा राख्दै, प्रत्येक साइटमा आगो निभाउने उपकरणहरु र अन्य सुरक्षा सुविधाहरु सहित प्रशिक्षण दिइएको हो ।

डा. अनुजराज कँडेलको नेतृत्वमा रहेको स्वास्थ्य शिविरमा सफाईकर्मीको स्वास्थ्य समस्या र मुद्दाको बारेमा मेडिकल चेकअप र परामर्श लिने काम भयो ।बोटलर्स नेपालका प्रबन्ध निर्देशक प्रदिप पाण्डेले फोहोर र रिसाइकलिंग उद्योगमा काम गर्नेहरुले धेरै व्यवसायिक स्वास्थ्य जोखिमहरुको सामना गर्दै आएको बताए ।

क्रियशनका संस्थापक र प्रेसिडेन्ट आनन्द मिश्राले वेस्ट वोर्कर्सको असुरक्षित काम गर्ने स्थितिले उनीहरुको जिविका, वातावरण र समाजलाई जोखिममा पर्ने बताए । उनीहरुलाई सहयोग गर्न यस्ता प्रशिक्षण तथा स्वास्थ्य शिविरको आयोजना गरिएको उनले बताए ।कार्यक्रममा सतुंगल, टेकु, बालकुमारी र जोरपाटीका ६ वटा भिन्न बेलिंग साइटहरुको ६७ सफाईकर्मीहरुको सहभागिता रहेको थियो ।