गढीमाई दर्शन गरेर फर्केको जीप दुर्घटना, दुईको मृत्यु १४ घाइते

महोत्तरी, मंसिर १८ – पूर्व पश्चिम राजमार्ग अन्तर्गत महोत्तरीको लक्ष्मिनीयामा गढिमाई मन्दिरको दर्शन गरेर फर्कदैँ गरेको दर्शनयात्री चढेको जीप दुर्घटना हुँदा दुई जनाको मृत्यु भएको छ भने १४ जना घाइते भएका छन् ।

ना २ च ८८५५ नम्बरको जीप दुर्घटना हुँदा धनुषाको धनुषाधाम नगरपालिका घर भएका सकुन्तलादेवी महतो र भारत जयनगरका तनियादेवी महतोको ज्यान गएको हो ।

घाइतेमध्ये ४ जनाको अवस्था गम्भीर रहेको प्रहरीले जनाएको छ । उनीहरूको थप उपचारका लागि धरान रेफर गरिएको छ । सामान्य घाइतेको १० जनाको बर्दिवासस्थित शुभ स्वस्तिक अस्पतालमा उपचार भइरहेको छ ।