डिसहोमको ‘सबैभन्दा कम मासिक शुल्क’ योजना

काठमाण्डौं– डिस मिडिया नेटवर्कद्वारा सञ्चालित डिसहोमले ‘सबैभन्दा कम मासिक शुल्क’ योजना सार्वजनिक गरेको छ ।

डिसहोमले नयाँ कनेक्सन जडान गर्ने ग्राहकका लागि नेपालमै सबैभन्दा सस्तो मूल्यको मासिक शुल्कमा आफ्नो सेवा प्रदान गर्ने उद्देश्यले योजान सञ्चालन गरेको जनाएको छ ।

डिसहोमले सबैभन्दा कम मूल्यका उपयुक्त च्यानल भएको बेसिक प्याकेज २५० रुपैयाँमा उपलब्ध गराउने बताएको छ ।

साथै, खेलकुदप्रेमीका लागि लक्षित खेलकुदका सम्पूर्ण एचडी च्यानल समावेश भएको मिडियम प्याकेज ३०० र सम्पूर्ण एसडी र उत्कृष्ट एचडी च्यानल भएको सुपर एचडी प्याकेज ३५० रुपैयाँमा र सम्पूर्ण एसडी र उत्कृष्ट एचडी च्यानल भएको प्रिमिएम एचडी प्याकेज ४ सय रुपैयाँ प्रतिमहिनामा उपलब्ध गराएको कम्पनीले जानकारी दिएको छ ।