तनहुँमा कोरोनाको बिरामी भेटिएको भन्दै हल्ला फिजाउने पक्राउ

मदन तिमल्सेना
तनहुँ ,४ जेठ -तनहुको दमौलीमा कोरोना भाइृरसको बिररामी भेटिएको भन्दै अफवाह फिजाउने युवकलाई आईतवार पक्राउ गरिएको छ । तेह्रथुम जिल्ला म्याङगलुङ ७ स्थायी घर भई हाल व्यास २ दमौलीमा बस्दै आएका ३४ वर्षीय नवराज ढुङगानाले दमौलीमा कोरोना भाइरसको बिरामी तनहुमा भेटिएको भन्दै सामाजिक संजाल फेसबुकमा तनहुको दमौलीमा ३ जना कोरोना संक्रमित पुष्टि भएको भनेर पोष्ट गरेका थिए । उक्त पोष्ट पश्चात जिल्ला प्रहरी कार्यालय तनहुँका प्रहरीको टोलीले निजलाई पक्राउ गरेको थियो ।

जनमानसमा त्राश फैलाउन आफनो फेसबुकमा पोष्ट गरेकोले आवश्यक कानूनी कारवाहीका लागि ढुङगनालाई नियन्त्रणमा लिएको जिल्ला प्रहरी कार्यालय तनहुका प्रवत्ताएवं डिएसपी लीलाराज लामिछानेले जानकारी दिए । निज ढुगांनालाई अनुसन्धानको लागि १० दिनको म्याद थप गरि थुनामा राखिएको छ ।