त्रिदेशीय फुटबल प्रतियोगिताको खेल तालिका सार्वजनिक

काठमाडौं, चैत ३ –अखिल नेपाल फुटबल संघ (एन्फा) को आयोजनामा हुन लागेको त्रिदेशीय फुटबल प्रतियोगिताको खेल तालिका सार्वजनिक भएको छ । एन्फाले मंगलबार खेल तालिका सार्वजनिक गरेको हो । मार्च २३ मा बंगलादेश र किर्गिस्तानबीचको खेलबाट प्रतियोगिताको सुरुवात हुनेछ । 

मार्च २५ मा नेपालले किर्गिस्तानसँगको खेलबाट प्रतियोगिताको सुरुवात गर्नेछ । मार्च २७ मा नेपालले बंगलादेशसँग खेल्नेछ दशरथ रंगशालमा हुने प्रतियोगिताका सबै खेल साँझ साढे ५ बाट हुने छन् । सिंगल राउन्ड रोविनका आधारमा हुने प्रतियोगिताका शीर्ष दुई टोलीले मार्च २९ मा उपाधिका लागि प्रतिस्पर्धा गर्नेछन् ।