थप १ सय १२ जनामा कोरोना संक्रमण पुष्टि ; ५४ जना संक्रमणमुक्त, ४ जनाको मृत्यु

काठमाडौं, फागुन १४ – पछिल्लो २४ घन्टामा थप १ सय १२ जनामा कोरोना संक्रमण पुष्टि भएको छ ।  शुक्रवार थप १ सय १२ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको हो ।

यससँगै हालसम्म मुलुकभर कोरोना संक्रमण हुनेको संख्या २ लाख ७३ हजार ९ सय ८४ पुगेको छ ।मन्त्रालयका अनुसार, शुक्रवार ५४ जना संक्रमित भाइरस मुक्त भएका छन् ।

हालसम्म भाइरसमुक्त हुनेको संख्या २ लाख ७० हजार २ सय ७७ पुगेको छ । हालसम्म सक्रिय संक्रमितको संख्या ९ सय ३६ रहेको मन्त्रालयले जनाएको छ । 

मन्त्रालयका अनुसार, शुक्रवार ४ जना संक्रमितको मृत्यु भएको छ । यससँगै हालसम्म मुलुकभर कोरोना संक्रमणबाट मृत्यु हुनेको संख्या २ हजार ७ सय ७१ पुगेको छ ।