थप ३०३ जनामा कोरोना संक्रमण पुष्टि ; २८५ जना संक्रमणमुक्त, ६ जना संक्रमितको मृत्यु

काठमाडौं, माघ १३ – पछिल्लो २४ घण्टामा ३०३ जनामा कोरोना संक्रमण पुष्टि भएको छ । योसँगै नेपालमा कुल कोरोना संक्रमितको संख्या २ लाख ७० हजार ९२ पुगेको स्वास्थ्य मन्त्रालयले जनाएको छ ।

त्यस्तै पछिल्लो २४ घण्टामा नेपालमा कोरोना भाइरसका कारण ६ जनाको मृत्यु भएको छ । योसँगै नेपालमा कोरोनाबाट मृत्यु हुनेको कुल संख्या २ हजार १७ पुगेको छ ।

नेपालमा पछिल्लो २४ घण्टामा कोरोना संक्रमण मुक्त हुनेको संख्या २८५ रहेको छ । योसँगै नेपालमा कुल कोरोना संक्रमण मुक्त हुनेको संख्या २ लाख ६४ हजार ८२३ पुगेको छ।

हाल नेपालमा सक्रिय संक्रमितको संख्या ३ हजार २५२ रहेको छ । अहिलेसम्म नेपालमा २० लाख ५२ हजार ६८७ वटा पीसीआर नमूना परीक्षण भएका छन् । नेपालमा क्वारेन्टाइनमा रहनेको संख्या १२२ रहेको छ ।