थप ५३ जना संक्रमितको मृत्यु, ३,३७० जना डिस्चार्ज

काठमाडौं, वैशाख २५ – २४ घण्टामा कोरोना भाइरस संक्रमणबाट ५३ जनाको मृत्यु भएको छ । यो सँगै नेपालमा कोरोना भाइरसको संक्रमणका कारण ज्यान गुमाउनेको संख्या ३ हजार ६३२ पुगेको छ ।

यस्तै आज ३ हजार ३७० जना संक्रमित डिस्चार्ज भएका छन् । यो सँगै नेपालमा कोरोना भाइरसलाई परास्त गर्नेको संख्या २ लाख ९८ हजार ७६५ जना पुगेको छ ।

पछिल्लो २४ घण्टामा थप ८ हजार ४१८ जनामा संक्रमण पुष्टि भएको छ । देशभर १७ हजार ३१५ जनाको आरटी–पीसीआर गर्दा ८ हजार २८७ जना र ९८९ जनाको एन्टिजेट परीक्षण गर्दा १३१ जना गरी कुल ८,४१८ जनामा संक्रमण पुष्टि भएको हो । यो सँगै नेपालमा कोरोना भाइरसबाट संक्रमित हुनेको संख्या ३ लाख ८५ हजार ८९० जना पुगेको छ ।

हाल देशभर सक्रिय संक्रमितको संख्या ८३ हजार ४९३ जना छ । संक्रमितको संख्या तीव्र गतिमा वृद्धि भएसँगै पछिल्लो समय नेपालमा सक्रिय संक्रमितको संख्या पनि ह्वात्तै बढेको हो ।

मन्त्रालयका अनुसार हालसम्म नेपालमा २६ लाख १५ हजार ७२० जनाको पीसीआर विधिबाट स्वाब परीक्षण गरिएको छ भने अहिले ३ हजार ४९३ जना आइसोलेसन र ३९ जना क्वारेन्टिनमा छन् ।