देम्बा महोत्सव तयारी पूरा

काठमाण्डौँ — दोस्रो थोलेदेम्बा महोत्सवको तयारी पूरा भएको छ। ‘

दिगो विकास र पर्यटन प्रवर्द्धनका लागि उत्सव, ऐतिहासिक दोस्रो थोलेदेम्बा महोत्सव’ भन्ने मूल नाराका साथ यही चैत २२ र २३ गते ओखलढुंगाको अग्लो डाँडा थोलेदेम्बामा हुने महोत्सवको तयारी पूरा भएको हो।

दिगो विकाससँगै पर्यटन प्रवर्द्धन गर्ने उद्देश्यले गत वर्षदेखि बर्सेनि थोलेदेम्बा महोत्सव हुँदै आएको छ।

त्यसैको निरन्तरता स्वरुप यस वर्ष हुने महोत्सवको सबै तयारी पूरा भएको आयोजक पोकली थोलेदेम्बा पिके पर्यटन विकास संरक्षण समितिका महासचिव संयोजक पूर्णप्रसाद न्यौपानेले जानकारी दिए।

विगतको उपलब्धि समिक्षा गर्दै भावी योजना तय गर्नेगरी महोत्सव आयोजना गरिएको उनले बताए।

— नागरिक