दोहोरो अंकले बढेको नेप्से बजारमा ४ अर्ब बढीको कारोबार

काठमाडौं, २५ कार्तिक  नेपाल स्टक एक्सचेञ्ज (नेप्से) परिसूचकमा साताको तेस्रो दिन आज –मंगलबार) उछाल आएको छ । आज नेप्से २५.९८ अंकले बढेर १ हजार ६ सय ७८ दशमलव ७९ विन्दुमा कायम भएको छ । 

नेप्सेका अनुासर आज कूल १९६ वटा कम्पनीको ९६ लाख ५७ हजार ६ सय ७७ कित्ता शेयर खरिदबिक्री हुँदा ४ अर्ब ९ करोड ६१ लाख ९० हजार २ सय ५६ रुपैयाँको कारोबार भएको छ ।

आज कारोबार भएका कूल १२ उपसमूहमध्ये मंगलबार १० वटा उपसमूहको शेयर बढेको छ भने बाँकी २ वटा उपसमूहको शेयर मात्र घटेको छ ।