नवलपरासीमा असार ७ गतेसम्म निषोधाज्ञा थप

काठमाडौं, जेठ ३१ – पश्चिम नवलपरासीमा असार ७ गतेसम्म निषोधाज्ञा थप भएको छ । जिल्ला कोभिड व्यवस्थापन समिति र जिल्ला सुरक्षा समितिको निर्णय अनुसार जेठ ३१ गते राती १२ बजेदेखि असार ७ गते राती १२ बजेसम्मका लागि निषेधाज्ञा थप गर्ने निर्णय गरिएको छ । तर कोरोना संक्रमण दर घटेसँगै निषेधाज्ञा केही खुकुलो बनाइएको छ ।

पछिल्लो निर्णयअनुसार अब हरियो तरकारी, फलफूल, खाद्यन्न, दुध, माछा÷मासु, अण्डा, एग्रोभट, विउविजन, रासायनिक मल, खाना पकाउने ग्यास लगायतका दैनिक उपभोग्य सामान विक्री वितरण गर्ने पसल व्यवसायहरु मात्र विहान ५ देखि दिउँसो २ बजेसम्म खोल्न पाइने भएको छ । तर हाटबजार जस्ता भिडभाड हुने स्थानमा विक्री वितरण भने पाइने छैन ।

जिल्लामा नयाँ भेरिएन्टसहितको कोरोना भाइरस संक्रमण तिव्रगतिमा फैलिन थालेपछि बैशाख २१ गतेदेखि निषेज्ञाधा जारी भएको हो ।