नवलपरासीमा लागु औषध सहित युवक पक्राउ

सहबान अन्सारी,

काठमाडाैं, फागुन २७ – नवलपरासीमा सशस्त्र प्रहरीले बढी मात्रामा लागू औषध नियन्त्रणमा लिएको छ ।

बुधवार साँझ सुस्ता गाउँपालिका वडा नं. २ सातपत्रि स्थित भारतबाट लुकाई छिपाई अन्दाजी १८ वर्षको एक युवकले झोलामा समान बोकी नेपालतर्फ ल्याउदै गरेको अवस्थामा विषेश सुराकीको आधारमा सशस्त्र प्रहरी बोर्डर आउट पोष्ट गुठी परसौनीका सशस्त्र प्रहरी निरीक्षक संतोष खरेलको नेतृत्वमा खटिएको गस्ती टोलीलाई देखेपछी युवकले भाग्न खोज्दा उनलाई पक्राउ गरिएको हो ।

पक्राउ गरिएको युवकको झोला चेकजाँच गर्दा झोलाबाट अनरेक्स सिरफ ३१ बोतल , नाइट्रोभेट ८ पत्ता १ सय २० चक्की , विनस्पास्मो फोर्ट १८ सय ९० पिस जस्ता लागु औषध बरामद गरिएको हो । पक्राउ परेका युवक र लागू औषध इलाका प्रहरी कार्यालय बेलाटारीमा बुझाइएको सशस्त्र प्रहरीले जनाएको छ ।