नियन्त्रणमा रहेको चोरीको ट्याक्टर हस्तान्तरण

अन्जन राज न्यौपाने

तनहुँ, २२ फाल्गुण – जिल्ला ट्राफिक प्रहरी कार्यालय तनहुँले चोरीको होल्याण्ड नामक ट्याक्टर नियन्त्रणमा लिएको छ। ट्राफिक प्रहरीले नियमित चेक जाँच गर्ने क्रममा उक्त ट्रयाक्टर नियन्त्रणमा लिएको हो । उक्त ट्रयाक्टर अन टेष्टको अवस्थामा पर्वतको कुस्मा नगरपालिका -६ शिवालय चोकबाट हराएको थियो । ट्रयाक्टर सोही स्थान बस्ने शिव प्रसाद सुवेदीको रहेको बुझिएको छ । २२ लाख ६५ हजार रुपैयामा सुवेदीले खरिद गरि सो ट्रयाक्टर घर अगाडि पार्किङ गर्दै आएका थिए । पार्किङ स्थलबाट रातको समय पारि अज्ञात ब्यक्तिले चोरी गरी पर्वतबाट चितवनतर्फ लैजादै गर्दा ट्राफिक प्रहरीले ट्रयाक्टर नियन्त्रणमा लिएको हो । चेकजाचँका क्रममा चालकले आवश्यक कागजपत्र देखाउन नसकेपछि ट्रयाक्टर नियन्त्रणमा लिईएको हो । नियन्त्रणमा लिईएको उक्त ट्रयाक्टर खरिदकर्ता सुवेदीको सिफारिसमा अधिकृत बिक्रेता डि एण्ड वि ट्रेडर्सका प्रोपाईटर बैकुण्ठ बराललाई हस्तान्तरण गरिएको छ । ट्राफिक प्रहरी कार्यालय तनहुँका प्रमुख पुर्णबहादुर अधिकारीले विहिबार बराललाई ट्रयाक्टर हस्तान्तरण गरेका हुन् ।