‘नेपाल फर्किन पाएकोमा खुसी छौं’

काठमाडौं, फागुन ४- चीनको वुहानबाट फर्काइएका नेपालीहरुले नेपाल फर्कन पाएकोमा खुसी व्यक्त गर्दै सरकारलाई धन्यवाद् दिएका छन् । सामाजिक सञ्जालमा फोटो, भिडियो एवम् विचारहरु राख्दै उनीहरुले स्वदेश फर्कन पाएकोमा खुसी व्यक्त गरेका हुन् ।

चीनबाट फर्काइएकाहरुले त्रिभुवन अन्तर्राष्ट्रिय विमास्थलमा आर्लिए लगत्तै आफन्तहरुसंग फोनबाट कुराकानी पनि गरेका थिए।

चीनको वुहानमा रहेका एक सय ७५ जना नेपालीलाई नेपाल एयलाइन्सको विमानबाट आइतबार विहान ४ बजे काठमाडौंमा अवतरण गराइएको थियो । स्वास्थ्यमा कुनै समस्या नदेखिएपछि सबै जनालाई भक्तपुरको खरिपाटीमा रहेको नेपाल विद्युत् प्राधिकरणमा बनाइएको क्वारेन्टाइनमा पुर्‍याइएको हो ।

उनीहरुलाई एउटा एम्बुलेन्स र पाँच वटा ठूलो बसमा सुरक्षाकर्मीले स्कटिङ गरेर विमानस्थलदेखि खरिपाटीसम्म पुर्‍याएका हुन् । क्वारेन्टाइन लैजानुअघि विमानस्थलमा अवतरण भएपछि उनीहरुको स्वास्थ्य अवस्था जाँचिएको थियो।