पर्यटन बोर्डको सिइओमा डा. रेग्मी नियुक्त

काठमाडौं,माघ १४- पर्यटन बोर्डको प्रमुख कार्यकारी अधिकृत (सिइओ) मा डा. धनन्जय रेग्मी नियुक्त भएका छन् । मंगलबार बोर्डको संचालक समितिको बैठकले रेग्मीलाई ४ वर्षे कार्यकालका लागि बोर्डको सिइओमा नियुक्त गरेको हो ।

नयाँ सीईओ नियुक्तिका लागि बोर्डद्वारा गठित उपसमितिले रेग्मी सहित ३ जनाको नाम सिफारिस गरेको थियो । उपसमितिले पठाएको सूचीमा डा. रेग्मीसहित दीपक बस्ताकोटी र हिक्मतसिंह ऐर थिए ।

लामो समयदेखि पर्यटन क्षेत्रमा अध्ययन अनुसन्धानमा लाग्दै आएका रेग्मीले ३४ अंक पाएका थिए भने उनका प्रतिस्पर्धीहरु क्रमशः दीपक बस्ताकोटीले २६ दशमलव ३ र हिक्मतसिंह अयरले २६ दशमलव १ अंक पाएका थिए ।