पश्चिम सेती आयोजना निर्माणका लागि ‘नयाँ मोडल’ खोजी गर्ने

काठमाण्डौँ — लगानी बोर्डले पश्चिम सेती आयोजना निर्माणको लागि नयाँ मोडालिटी खोजी गर्ने भएको छ ।

प्रधानमन्त्री केपी शर्मा ओलीको अध्यक्षतामा मंगलबार बसेको सञ्चालक समितिको बैठकले ७ सय ५० मेगावाट जडित क्षमताको आयोजना निर्माणको लागि नयाँ मोडल खोजी गर्ने भन्दै समिति गठन गर्ने निर्णय गरेको हो ।

बोर्ड बैठकले अर्थमन्त्री युवराज खतिवडा, ऊर्जामन्त्री वर्षमान पुन र लगानी बोर्डका प्रमुख कार्यकारी अधिकृत महाप्रसाद अधिकारी सम्मिलित समिति गठन गर्ने निर्णय गरेको हो ।

लगानी बोर्ड र चाइना थ्री गर्जेज इन्टरनेटशन (सिटीजिआईं) बीच २०६८ मा आयोजना निर्माणको लागि समझदारी पत्रमा हस्ताक्षर भएको थियो ।

थ्री गर्जेजले निर्माणमा असमर्थता देखाएपछि अर्को विकल्पको खोजी गर्न उच्च स्तरीय समिति गठन गरिएको अधिकारीले बताए ।

— कान्तिपुर