पूर्वप्रधानमन्त्री झलनाथ खनाल डिस्चार्ज

काठमाडौं, असोज ३० – नेकपा वरिष्ठ नेता तथा पूर्वप्रधानमन्त्री झलनाथ खनाल स्वास्थ्य अवस्थामा सुधार भएपछि शुक्रबार डिस्चार्ज भएका छन् । बुधबार श्वासप्रश्वास र उच्च रक्तचापको समस्या देखिएपछि उनी धुम्बाराहीस्थित ह्याम्स अस्पताल भर्ना भएका थिए । 

उपचारको क्रममा उनको स्वास्थ्यमा उल्लेख्य सुधार आएसँगै चिकित्सकहरुको सल्लाह बमोजिम आवश्यक औषधी खानेगरी शुक्रबार दिउँसो खनालको डिस्चार्ज गरिएको अस्पतालले जारी गरेको विज्ञप्तिमा उल्लेख छ । 

‘उहाँको स्वास्थ्यमा यस अस्पतालमा उपचारको क्रममा उल्लेख्य सुधार आएको हुनाले चिकित्सकहरुको सल्लाह बमोजिम आवश्यक औषधी खानेगरी राखेर आज दिउँसो अस्पतालबाट डिस्चार्ज हुनु भएको जानकारी गराइन्छ’, अस्पतालका कार्यकारी निर्देशक डा.ज्योतीन्द्र शर्माले जारी गरेको विज्ञप्तिमा भनिएको छ ।