प्रभु बैंकको १९९औं शाखा सर्लाहीको ईश्वरपुरमा

काठमाडौं,मंसिर १९- प्रभु बैंकले आफ्नो सञ्जाल विस्तार गर्ने क्रममा १९९ औं शाखा सर्लाहीको ईश्वरपुर नगरपालिका वडा नं. ०६ स्थित बयलबासमा संचालनमा ल्याएको छ ।

शाखाको ईश्वरपुर नगरपालिका प्रमुख मनोज कुमार देवकोटाले उद्घाटन गरेका हुन् । शाखा उद्घाटन गर्दै मेयर देवकोटाले बैंकिङ पहुँच नपुगेको ठाउँहरुमा आफ्नो शाखा कार्यालय सञ्चालनमा ल्याएर सर्वसाधारणको घर आँगनसम्म सरल र सहज रुपमा बैंकिङ सेवा विस्तार गरी प्रशंसनीयकार्य गरेको बताए ।

उनले बैंकको यो अभियानले देशभरिनै बैंकिङ पहुँचमा वृद्धि भएको मात्र नभई समग्र देशको आर्थिक विकासमा सकारात्मक पुर्याउने पनि बताए ।बैंकको समुद्घाटन कार्यक्रममा विभिन्न संघ संस्थाका प्रतिनिधिहरु, स्थानीय व्यापारी, बुद्धिजिवी लगायत ठूलो संख्यामा सर्वसाधारणको उपस्थिति रहेको थियो ।