फेरि बढ्न थाल्यो कोरोना संक्रमण र मृत्युको दर, एकैदिन ४३ जना संक्रमितको मृत्यु

काठमाडौं । नेपालमा पछिल्ला केही दिनयता क्रमशः घट्दै गएको कोरोना संक्रमित र मृतकको संख्या फेरि बढ्न थालेको छ ।

पछिल्लो २४ घण्टामा मात्रै कोरोना भाइरस संक्रमणका कारण ४३ जनाको मृत्यु भएको छ । यो सँगै नेपालमा कोरोना भाइरसको संक्रमणका कारण ज्यान गुमाउनेको संख्या ९ हजार ५०६ जना पुगेको छ ।

यस्तै आज देशभर २ हजार ९३६ जना नयाँ संक्रमित थपिएका छन् । अघिल्लो दिन जेठ ३१ गते ३३ जना संक्रमितको मृत्यु भएको थियो भने २ हजार ६७६ जनामा संक्रमण पुष्टि भएको थियो ।

यस्तै गत बुधबार १८ जना संक्रमितको मृत्यु भएको थियो भने २ हवार ९०५ जना नयाँ संक्रमित थपिएका थिए । त्यस्तै मंगलबार २ हजार ३९८ जना नयाँ संक्रमित थपिँदा मृतकको संख्या १२ मात्रै थियो ।

यसर्थ अघिल्ला दिनहरूको तुलनामा कोरोना संक्रमित हुने र मृत्यु हुनेको संख्या फेरि क्रमशः बढ्दै गइरहेको छ ।

यो पनि पढ्नुहोस्

• कोरोनाको तेस्रो लहर सुरु भएको डब्लुएचओको दाबी
• काठमाडौंमा ३४३ जनासहित उपत्यकामा शुक्रबार थपिए ५४१ जना संक्रमित
• शुक्रबार थप २९३६ जनामा कोरोना संक्रमण पुष्टि, १७७५ जना निको हुँदा ४३ जनाको मृत्यु