फ्रान्समा पुन: बढ्यो कोरोना संक्रमणको दर

काठमाडौं, भदौ १९ –  फ्रान्समा कोरोना भाइरसको संक्रमणको दर पुनस् एकपटक तीव्र रुपमा बढिरहेको छ । पछिल्लो चौबीस घण्टामा फ्रान्समा सात हजारभन्दा बढी कोरोनाका नयाँ संक्रमित देखिएका छन् ।गएको दुई दिनमा कोरोना संक्रमितको संख्या सात हजार नाघेको तथ्यांक छ ।

जोन हाप्किन्स युनिभर्सिटीको तथ्यांकअनुसार फ्रान्समा हालसम्म तीन लाख ३८ हजार २२० संक्रमित फेला परेका छन् । यसैगरी कोरोना संक्रमणबाट फ्रान्समा अहिलेसम्म ३० हजार ७१२ जनाको मृत्यु भइसकेको छ ।