फ्लाई टेक, लायन्स क्लब अफ काठमाडौ प्रयासनगर र लियो क्लबको रक्तदान सम्पन्न

काठमाडौं २७ असार – सामाजिक उत्तरदायित्व र समाज सेवाको भावनाले फ्लाईटेक इन्टरनेसनल,लायन्स क्लब अफ काठमाडौ प्रयास नगरसाथै लियो क्लबको आयोजनामा रक्तदान कार्यक्रम सम्पन्न भएको छ।कोरोना भाइरस(कोभिड-१९)को महामारीले विश्वलाई आक्रान्त बनाइरहेको अवस्थामा रगतको अभाव हुनसक्ने संभावनालाई ध्यानमा राखेर रगत संकलन गरिनाले रगतको अभावमा अकालमै ज्यान गुमाउनु पर्ने परिस्थितिको अन्त्य गर्न ठूलो टेवा पुग्ने भएकोले सामाजिक दूरी कायम गरि शिविर अयोजना गरिएको फ्लाईटेक इन्टरनेसनलका प्रबन्ध निर्देशक नाजिर हुसैनले जानकारी दिए। नेपालकै प्रथम अन्तराष्ट्रिय मान्यता प्राप्त एयर होस्टेस तालिम गराउने संस्था फ्लाईटेक इन्टरनेसनलको चुच्चेपाटीमा अवस्थित केवल टावर परिसरमा भएको शिविरमा ४०जनाले रत्तदान गरेका थिए।कार्यक्रममा क्लबका फाउन्डर प्रेसिडेन्ट अमित जोनचियरपर्सन माधव लामिछाने,कोषाध्यक्ष निर्मला तामाङ,सचिव निशु झा,समाजसेवी देवीदत्त खरेल,शिवहरि खनाल लगायतको उपस्थिति थियोे ।