बाग्लुङमा पहिरोमा पुरिएर २ महिला बेपत्ता

काठमाडौं, भदौ २८ – बाग्लुङमा पहिरोमा पुरिएर दुई महिला बेपत्ता भएका छन् ।

अविरल वर्षाका कारण घर माथिबाट आएको पहिरोले पुरिएर बागलुङको जैमिनी नगरपालिका– ५ बिनामारेमा पहिरोले निलकण्ठ पौडेलको घर पुरिएर जल्पादेवी पौडेल बेपत्ता भएको जिल्ला प्रहरी कार्यालय बागलुङका प्रहरी निरीक्षक दिपक रिजालले जानकारी दिनुभयो ।

घरमा भएका अन्य ६ जना सामान्य घाइते भएका छन् । यस्तै, जैमिनी नगरपालिका–१ मा पनि पहिरोले घर पुरिएर लक्ष्मीदेवी उपाध्याय बेपत्ता भएको जनाइएको छ ।