बेलायतमा बनेको छोटो चलचित्र ‘सहारा’ सार्वजनिक

काठमाडौं, पुष २५ – कोरोना महामारीको समयमा रोकिएका चलचित्रका गतिबिधिहरु बिस्तारै सुचारु हुन थालिरहेको मौका पारेर बेलायतबाट एउटा छोटो चलचित्र ‘सहारा’ सार्वजनिक भएको छ ।

कोरोनाका कारण विश्वभरी देखिएका विभिन्न समस्या, खासगरि बेरोजगारी र सम्बन्धमा परेको प्रभावलाई यो चलचित्रमा मुख्य विषय बनाइएको छ ।

सहारामा कलाकारहरु ध्रुव दत्त, सृजना निङ्गलेकु तथा पुरु राईले अभिनय गरेका छन् ।

अभिनेता ध्रुव दत्त तथा मोडल एवं भ्लगर सृजना निङ्गलेकु बेलायती समुदायमा स्थापित नाम हो ।

चलचित्र सहारामा पुरु राईको लेखन तथा निर्देशन ।

पुरुले निर्देशन गरेको यो दोस्रो छोटो चलचित्र हो ।

यो चलचित्रमार्फत कोरोना भाइरसका कारण बढेको बेरोजगारी र बेरोजगारीका कारण एक युवा जोडीमा उत्पन्न भएका विभिन्न समस्याको वियोगान्त कथा चलचित्रमा देखाउन खोजिएको निर्देशक राईले बताएका छन् ।

निर्देशक राईले यसअघि सर्ट फिल्म ‘सम्बन्ध’ निर्देशन गरिसकेका छन् ।

चलचित्र सहारामा छांयाकन तथा सम्पादन कुशल श्रेष्ठको छ भने स्वर तथा संगीत आशिष राजको छ ।
ब्याकग्राउण्ड म्युजिक र कलर नबिन निरौलाको रहेको छ ।

टुवाईको ब्यानरमा निर्माण भएको सहारालाई चलचित्रकी अभिनेत्री सृजना निङ्गलेकुको युट्यूव च्यानलबाट सार्वज्निक गरिएको हो ।