भरतपुरको दालमोट उद्योगमा आगलागी, झण्डै दुई करोडको क्षति

चितवन, चैत १८ – चितवनको भरतपुर महानगरपालिका वडा न ४ स्थित एक दालमोट उद्योगमा आगलागी भएको छ ।

भरतपुर ४ लंकु धारापानीको शरष फुड इन्डस्ट्रिजमा आज बिहान करिब करिव ६ बजे आगलागी भएको स्थानीयले बताएका छन् ।

दमकल, प्रहरी, नेपाली सेना र सशस्त्रको टोलीले आगो नियन्त्रणमा लिएको छ । भरतपुर महानगरपालिकाको दुईवटा, खैरहनी नगरपालिका, कावासोती र नेपाली सेनासहित ५ वटा दमकलबाट आगो नियन्त्रणमा लिएको जनाएको छ ।

आगलागीको कारण भने खुल्न सकेको छैन । आगलागीमा झण्डै दुई करोडको क्षति भएको उद्योगका सञ्चालकको अनुमान छ ।