भारतमा कोरोना संक्रमणबाट १०९ को मृत्यु, संक्रमितको संख्या ३६ सय नाघ्यो

काठमाडौं,चैत २३- छिमेकी मुलुक भारतमा कोरोना भाइरसका संक्रमितको संख्या दिनदिनै बढ्न थालेको छ। द हिन्दुमा प्रकाशित समाचार अनुसार आइतबारसम्म भारतमा ३ हजार ६ सय ३७ जनामा कोरोना भाइरसको संक्रमण देखिएको छ भने १ सय ९ जनाले ज्यान गुमाएका छन् ।

भारतका दक्षिणी राज्यहरूमा कोरोना भाइरसको संक्रमण बढी देखिएको छ। महाराष्ट्रमा सबैभन्दा धेरै ६३५ जनामा संक्रमण देखिएको छ भने तमिलनाडुमा ४ सय ८५ जनामा कोरोना संक्रमण भएको छ।

नेपालसँग सीमा जोडिएको उत्तरप्रदेशमा २३४ बिरामी भेटिएका छन् भने बिहारमा ३१, पश्चिम बंगालमा ६३ र उत्तराखण्डमा १६ जनालाई संक्रमण देखिएको छ।