भारतमा पछिल्लो २४ घण्टामा अहिलेसम्म कै सर्वाधिक १ हजार ६५ जनाको मृत्यु

काठमाडौं, भदौ १२ – छिमेकी मुलुक भारतमा कोरोना भाइरसको संक्रमणले भयावह रूप लिँदै गएको छ। यसैक्रममा पछिल्लो २४ घण्टामा ७६ हजार ८२६ जना नयाँ कोरोना संक्रमित थपिएको वर्ल्डोमिटरको तथ्याङ्कले देखाएको छ।

बुधबार ७५ हजार ९९५ जनामा कोरोना भाइरस देखिएको थियो भने १ हजार १७ जनाले ज्यान गुमाएका थिए। तर, गत २४ घण्टामा अहिलेसम्म कै सर्वाधिक धेरै जनामा संक्रमण देखिनुका साथै १ हजार ६५ जनाको मृत्यु भएको छ।

हालसम्म भारतमा कूल ३३ लाख ८४ हजार ५७५ जना संक्रमण पुष्टि भएको छ भने ६१ हजार ६९४ जनाको मृत्यु भइसकेको छ।

त्यस्तै २५ लाख ८३ हजार ६३ जना कोरोनालाई पूर्ण रूपमा पराजित गरेर निको भएका छन्।