भेरोनासँग बराबरीमा रोकियो युभेन्टस

काठमाडौं,फागुन १६- इटालियन सिरी ए अन्तर्गत युभेन्टस भेरोनासँग बराबरीमा रोकिएको छ ।

गएराती सम्पन्न खेलमा युभेन्टस र भेरोना १-१ गोलको बराबरीमा रोकिएको हो ।

युभेन्टसका लागि कहल्को ४९औ मिनेटमा क्रिस्टियानो रोनाल्डोले शुरुवाती गोल गरेका थिए भने खेलको ७७औ मिनेटमा भेरोनाका लागि एन्टोनीन बाराकले गोल फर्काउदै बराबरी गरेका थिए ।

यो बराबरीले युभेन्टसलाई लिग जित्ने अभियानमा भने धक्का लागेको छ । युभेन्टसको यस खेलपछि २३ खेलमा ४६ अंक भएको छ र लिगमा तेस्रो स्थानमा रहेको छ । युभेन्टसभन्दा अगाडी एसी मिलान २३ खेलमा ४९ अंकसहित दोस्रो र इन्टर मिलान २३ खेलमा ५३ अंकसहित पहिलो स्थानमा रहेको छ ।

त्यसैगरि भेरोनाको भने २४ खेलमा ३५ अंक रहेको छ र लिगमा नवौं स्थानमा रहेको छ ।