मंगलबार सुनको मूल्य स्थिर

काठमाडौं, माघ २०-मंगलबार सुनको मूल्य स्थिर भएको छ भने चाँदीको मूल्यमा भने गिरावट आएको छ । नेपाल सुनचाँदी व्यवसायी महासंघका अनुसार आज छापावाल सुन प्रतितोला ९२ हजार ६०० रुपैयाँ र तेजावी सुन ९२ हजार १०० रुपैयाँमा कारोबार हुनेछ । हिजो सोमबार पनि सुन सोही मूल्यमा नै कारोबार भएको थियो ।

यता, चाँदी भने आज प्रतितोला २० रुपैयाँ घटेको छ । सोमबार तोलामा एक हजार ४०० रुपैयाँमा कारोबार भएको चाँदीलाई आज एक हजार ३८० रुपैयाँ पर्ने महासंघले जनाएको छ ।