मर्मत गर्न पठाइएको वायुसेवा निगमको बोइङ २ महिनादेखि मलेसियामै

काठमाण्डौँ — मर्मतका लागि मलेसिया पठाइएको नेपाल वायुसेवा निगमको बोइङ विमान काठमाडौं नफर्केको दुई महिना भइसकेको छ ।

अझै मर्मत गरेर ल्याइने टुंगो लागिसकेको छैन ।

निगम व्यवस्थापनले बेलैमा मर्मत गर्न सामान झिकाउन नसकेपछि दुई महिना मलेसियामा अलपत्र परेको हो ।

यो विमान लिलाम गर्ने निर्णय पनि निगमले गरिसकेको छ ।

संस्कृति, पर्यटन तथा नागरिक उड्डयन मन्त्रालयलाई निगमले पुस पहिलो साता यो विमान बिक्री गर्ने प्रक्रिया थालिसकेको विवरण पठाइसकेको छ । ‘

विमानलाई हरेक २० देखि २४ महिनामा सम्पूर्ण उपकरणको विस्तृत निरीक्षण एवं चेकजाँच गर्नुपर्छ ।

यो विमानको सी चेकका लागि कम्तीमा पनि १४ करोड खर्च लाग्ने अनुमान गरिएको छ ।

१ सय ९० यात्रु सिट क्षमता भएको विमान बेलैमा नल्याइँदा उता पार्किङ शुल्कलगायतको बिलले निगमको व्ययभार बढाएको छ ।

— कान्तिपुर