महिलालाई सशक्त बनाउन ह्वावेको ‘वोमन डेभलपर्स प्रोग्राम’

 काठमाडौं, फागुन २६ –ह्वावेले आधिकारिक रूपमा ह्वावे वोमन डेभलपर्स प्रोग्राम कार्यक्रम शुरू गरेको छ ।ह्वावेले महिला डेभलपर्सलाई विश्वव्यापी रुपमा परिवर्तन गर्न सक्ने उपकरणहरू सिर्जना गर्न सशक्त बनाउने उद्देश्यका साथ यो कार्यक्रम सुरु गरेको जनाएको छ ।

यस कार्यक्रमको उद्देश्य धेरै महिलालाई करीअर विकास र कौशल प्रशिक्षणका लागि अधिक अवसरहरू र प्लेटफर्महरू प्रदान गरेर टेक्निकल इनोवेशनमा सामेल हुन प्रोत्साहित गर्ने रहेको छ । कार्यक्रममा सामेल हुन विश्वभरका कुनै पनि महिला डेभलपर्सले ह्वावे डेभलपर्स आधिकारिक वेबसाइटमा दर्ता गर्न सक्दछन् ।

ह्वावेले घोषणामा भनेको छ, ‘डिजिटल युगमा महिलाहरूलाई उनीहरूको शिक्षा र प्रशिक्षणमा पहुँच सुनिश्चित गर्न अझ बढी अवसर र समर्थन दिन आवश्यक छ, ता कि उनीहरू डिजिटल अर्थ व्यवस्थामा साधारण रुपमा प्रतिस्पर्धी हुन सकुन् । महिलालाई यी सीपले सुसज्जित पार्नाले सामाजिक एकीकरण र समावेशी र विविधताले भरिएको समाजलाई बढावा दिन्छ ।ह्वावेका वरिष्ठ उपाध्यक्ष चेन लिफांगले भने, ‘हामीविश्वास गर्दछौं कि महिलाहरूले टेक्नोलोजिकलइनोवेशनको नेतृत्व गर्ने छन् । हामी आशा गर्दछौं कि ह्वावे वोमन डेभलपर्र्स प्रोग्रामले महिलाहरूलाई उनीहरूको कला र विशेष भ्यालुको राम्रो उपयोग गर्न मद्दत पुर्‍याउनेछ, र उनीहरूलाई नेतृत्व क्षमता प्रदर्शन गर्ने अवसर दिनेछ । यसले हाम्रो संसारलाई राम्रो ठाउँ बनाउनेछ ।’

ह्वावे वोमन डेभलपर्स प्रोग्राम, लैंगिक समानता प्रवर्धन गर्ने आफ्नो प्रतिबद्धताको लागि ह्वावेले लिएको सबैभन्दा नयाँ पहल हो । कार्यक्रमले सहभागीलाई प्राविधिक नवीनता र करीअर विकास मार्गहरूको प्रशिक्षणका साथै विभिन्न क्षेत्रका अत्याधुनिक प्रविधिहरूमा विशेषज्ञहरूसँग भेट्ने अवसरहरू, र ‘ह्यन्ड्स अन’ र परिस्थितीमा आधारित प्रयोग र अभ्यासमा सहभागी हुने अवसर प्रदान गर्दछ ।

ह्वावेले उक्त डेभलपर्स प्लेटफर्ममा महिला डेभलपर्सको लागि एक विशेष समुदाय सिर्जना गर्ने, र अनलाइन, अफलाइन इभेन्ट्सको श्रृंखला आयोजना गर्ने जनाएको छ । शाइनिंग–स्टार कार्यक्रमको माध्यमबाट, ह्वावेले महिला विकास कर्ताहरूलाई नवीनता र उद्यमशीलतालाई प्रोत्साहित गर्न विशेष प्रोत्साहन प्रदान गर्दछ ।ठूला सम्भावनाको साथ उत्कृष्ट कार्यक्रमहरू विकास गर्ने यस कार्यक्रमका सहभागीहरूले भविष्यका अभियानहरूमा प्रस्तुत हुने अवसर पाउनेछन् र अन्य आधिकारिक ह्वावे कार्यक्रमहरूमा आमन्त्रित हुनेछन्।

आजसम्म, ह्वावेले आयरल्याण्ड, अर्जेन्टिना, बंगलादेश, केन्या, र दक्षिण अफ्रिकालगायत धेरै देशहरूमा महिलाहरूको लागि समान डिजिटल कौशल प्रशिक्षण कार्यक्रम सफलतापूर्वक सुरू गरिसकेको छ । ह्वावेका अन्य आईसीटी प्रशिक्षण कार्यक्रम, जस्तै सिड्स फर द फ्युचरमा ३०% भन्दा बढी प्रशिक्षार्थीहरू महिला छन् ।

ह्वावे वोमन डेभलपर्स प्रोग्राम अब विश्वभरका महिला विकासकर्ताहरूको लागि खुला छ । अन्य जानकारीको लागि ह्वावेले ह्वावे डेवलपर्स आधिकारिक वेबसाइट भिजिट गर्न आग्रह गरेको छ