माथिल्लो मैलुङ ‘ए’ आयोजनाको काम असोजदेखि सुरु हुने

काठमाण्डौँ — माथिल्लो मैलुङ ‘ए’ जलविद्युत् आयोजनाको निर्माण कार्य आगामी असोजदेखि सुरु हुने भएको छ।

वर्षाका कारण असारबाट निर्माण कार्य रोकिएको ६.४२ मेगावट क्षमताको आयोजनाको निर्माण कार्य असोज पहिलो सातादेखि सुरु हुनेछ ।

८५ प्रतिशत निर्माण कार्य भइसकेको आयोजनामा सामग्री सर्भि्सिङ गर्नुपर्ने बेला भएको छ।

धुन्चे–स्याफ्रु सडक मर्मत नसकिँदासम्म सामग्री तथा प्राविधिक लैजान नसकिने भएकाले तत्काल काम सुरु गर्न नसकिने आयोजनाले जनाएको छ ।

आउँदो असोजबाट विद्युत् उत्पादन गर्ने आयोजनाको लक्ष्य थियो ।

असार मसान्तसम्ममा निर्माण सम्पन्न गर्ने लक्ष्य पूरा हुन नसकेपछि दोस्रो पटक म्याद थप गरिएको आयोजनाका प्रोजेक्ट इन्चार्ज दुर्गासुमन जोशीले बताए ।

— नागरीक