मालिक्नी बाहिर गएको बेलामा सुगाले अमेजनबाट मगायो आईसक्रीम र चंगा

काठमाडाैं, पुस ३ – बेलायतमा एउटा सुगाले भोइस सर्च गरेर अन्लाइन शपिङ गरेको छ । अमेजनको स्मार्ट स्पीकरमार्फत अमेजनले खरिददारी गरेको हो । 

सुगाले अर्डर गरेर घरैमा आईसक्रीम, स्ट्रबेरी र चंगा मगायो । 

सुगाको नाम रोको हो र यो अफ्रिकी ग्रे प्यारोट प्रजातिको हो । 

उसले अमेजन एलेक्साको फाइदा उठाएर सामान मगाएको हो । सुगाकी मालिक्नीलाई यसको पत्तै भएन । 

मालिक्नी म्यारिएनले अनावश्यक खरिददारीबाट बच्न एलेक्सामा नियन्त्रण लगाएकी छन् । 

म्यारिएनका अनुसार, अमेजन शपिङ अर्डर लिस्ट हेर्दा उनी छक्क परिन् । लिस्टमा उनले कहिले पनि अर्डर नगरेका सामान पनि थिए । 

सुगाले सामान मगाएको उनले पछि थाहा पाइन् । 

अन्लाइन अर्डर गर्नुका अलावा रोको सुगाले एलेक्साबाट गीत र जोक पनि सुन्ने गरेको छ । 

सुगाले घरमा शब्द सिकेको हो । एलेक्साको सहायताले ऊ मन पर्ने गीत सुन्थ्यो र ख्यालख्यालमै सामान मगाएछ ।