यतीले थप्यो तेस्रो एटीआर विमान

काठमाण्डौँ — यती एयरलाइन्सले मंगलबार तेस्रो एटीआर ७२ — ५०० विमान थपेको छ ।

यो सहित अब यतीसँग सुगम रुटका लागि ९ वटा विमान भएका छन् ।

यससँग अहिले ६ वटा ब्रिटिस विमान जेट स्ट्रीम छन् ।

सुगम रुटमा ब्रिटिस वायुयान जेटस्ट्रीम विमान उडाउँदै आएको यतीले यो विमान बेलायतको इन्भेष्टेड बैंक र केएफ एयरक्राफ्ट लिजिङ कम्पनी मार्फत ९० करोड रुपैयाँ हाराहारीमा यो विमान खरिद गरेको हो ।

यतीले ७० सिट क्षमताको यो विमान थपिएसँगै असोज १५ गतेदेखि पोखरा र भद्रपुरमा एटीआरबाट उडान थाल्ने भनेको छ ।

अहिले जेटस्ट्रीम विमानबाट उडान भइरहेको छ ।
— कान्तिपुर