राजधानीमा नेकपाको जुलुस र आमसभामा

काठमाडौं, पुष १४ – प्रधानमन्त्री केपी शर्मा ओलीले गर्नुभएको प्रतिनिधिसभा विघटनबिरुद्ध नेकपा (बहुमत) ले आज काठमाडौंमा बिरोध प्रदर्शन र आमसभा गरेको छ । उपत्यकाको रत्नपार्क, पुरानो बानेश्वर, न्यूरोड, नक्साल, टेकु, कुलेश्वर, नयाँ बानेश्वर, घण्टाघर, बागबजार र वाल्मिकी क्याम्पसबाट निकालिएको छुट्टाछुट्टै जुलुश भृकुटीमण्डपमा पुगेर आमसभामा परिणत भएको थियो ।

आमसभालाई अध्यक्षद्वय पुष्पकमल दाहाल ‘प्रचण्ड’,माधवकुमार नेपाल,झलनाथ खनाललगायतका नेताहरूले सम्बोधन गर्नुभएको छ । त्यसअघि निस्किएको जुलुसको नेतृत्व अमृत बोहोरा, युवराज भुसाल, जनार्दन शर्मा, अष्टलक्ष्मी शाक्य, पम्फा भुसाल, बेदुराम भुसाल, हरिबोल गजुरेल, लीलामणि पोखरेल, योगेश भट्टराई, मुकुन्द न्यौपानेलगायतका नेताले गर्नुभएको बताइन्छ ।